Stillinga som samferdselssjef i Hordaland fylkeskommune er ledig. Samferdselsfeltet omfattar kollektivtransport – bussar, båtar, ferjer, drift og vidare utbygging av Bybanen i Bergen.
Utbygging og drift av 2900 km fylkesvegar, transportløyve, skuleskyss og transport for funksjonshemma er andre viktige oppgåver. Store plan- og utgreiingsoppgåver for heile samferdselssektoren i Hordaland er sentrale.
Søkjarar skal sende e-post til Marthe T. Borchgrevink mtb@hoplands.no hjå Hopland & Co, seinast 25. mai 2010. Alle søkjarar må pårekne offentleggjering av søkjarlista. Vi oppmodar kvinner om å søkje. Dersom du ønskjer fleire opplysningar kan du ta kontakt med fylkesrådmann Paul M. Nilsen, telf. 92 05 10 00 eller rådgjevar Steinar A. Hopland, telf. 92 48 36 00
Stillinga som samferdselssjef er ei utfordrande leiarstilling i ein sektor med sterk utvikling og satsing
Samferdselsavdelinga er inndelt i tre seksjonar med til saman om lag 20 årsverk lokalisert i fylkeshuset i Bergen sentrum. I tillegg er Skyss ei eining under samferdselssjefen.
Samferdselssjefen har den overordna leiinga av avdelinga. Vedkomande skal sikre at avdelinga har ei organisering, økonomioppfølging og ein fagleg kompetanse som gjer at oppgåver og funksjonar som er lagt til samferdselsavdelinga vert utført på ein god måte. Samferdselsavdelinga i Hordaland fylkeskommune skal vere ein kompetent medspelar og aktiv aktør i høve til m.a. Statens Vegvesen og kommunesektoren. Samferdselssjefen deltek i toppleiargruppa til fylkesrådmannen.
Meir informasjon om stillinga (pdf-fil)