For å få til ei effektiv trafikkregulering i Bergen sentrum tilrår fylkesrådmannen at det vert innført køprising på biltrafikk i byen frå 2012.
Kapasitetsproblem på vegnettet, behov for å redusera klimagassutsleppa og lokal luftforureining er argument som talar for at det bør innførast tidsdifferensierte bompengar (køprising) i Bergen. Dette skriv fylkesrådmannen i tilrådinga si til ekstramøtet i Samfersleutvalet i Hordaland 8. juni.
Føreset vidare bybaneutbygging
Fylkesrådmannen understrekar at dette er eit trafikkregulerande tiltak som må sjåst i samanhang med utviklinga av eit kollektivtransportsytem med god kapasitet. Fylkesrådmannen føreset at innføring av køprising i Bergen vert knytta opp mot statleg medverknad til finansiering av vidare utbygging av bybanen i Bergen.
Les fylkesrådmannen i Hordaland si tilråding til samferdsleutvalet.