Seks millionar til omstillingstiltak

Mange kommunar i fylket har eit sårbart næringsliv og slit med nedgang i sysselsetjing og næringsliv. Kommunar med store hjørnesteinsverksemder, stort innslag av konjunkturavhengige bransjar og næringsliv prega av omfattande omstrukturering vil vera særleg sårbare.

På budsjettet for 2010 er det avsett åtte millionar kroner til omstillingsarbeid. Dei tiltaka som får midlar i denne runden er:

Vedtaket var samrøystes.  

Flytt til Hardanger

”Flytt til Hardanger” har vore eit tre-årig omstillingsprogram. Oppsummeringa viser at prosjektet har snudd den negative utviklinga i folketalet og opna for meir samarbeid kommunane i mellom. Resultata har blitt lagt merke til andre stadar, og ”flytt til Hardanger” vert no referert til som eit døme til etterfølging.

- Flytt til Hardanger er eit av dei mest vellukka omstillingstiltaka i fylket. Prosjektet har vist seg å møta utfordringane, sa Magnar Lussand under debatten i fylkesutvalet.

 For å vedlikehalda den positive utviklinga tilrår fylkesutvalet at Hardangerrådet får 425.000 kroner til å oppretthalda det langsiktige arbeidet med å gjera regionen attraktiv for tilflyttarar. 

Må senda søknad

Vaksdal kommune har dei siste åra opplevd ein sterk nedgong i talet på arbeidsplassar i hjørnesteinsverksemdene. Kommunen har teke initiativet til ein prosess som skal snu utviklinga. Saman med næringsliv, innbyggjarar, ungdomar, fylkeskommunen og Innovasjon Norge skal det utviklast tiltak som kan skapa nye abeidsplassar og utvikla Vaksdal som bustad- og servicesenter.

Mobiliseringstiltaket er framleis på analyse- og utreiingsstadiet. Før midlane kan tildelast må kommunen oppsummera arbeidet i ein konkret søknad om midlar.

Inkubatorar og næringshagar

Inkubatorar og næringshagar samlokaliserer mindre verksemder som arbeider innanfor same næring, slik at det vert utvikla sterke faglege og sosiale miljø.

Gjennom samarbeidsavtalen med SIVA har Hordaland fylkeskommune forplikta seg til å medfinansiera slike miljø. To nye inkubatormiljø er under planlegging i fylket. Industriinkubatoren på Mongstad skal erstatta næringshagen og jobba med nyetableringar og industrielt gründerskap i regionen. Det er og planar om etablering av ein maritim industriinkubator i Sunnhordland.

Motverka finanskrisa

Verftsnæringa er hardt ramma av fallande ordretilgang som føljge av finanskrisa. Fylkeskommunen har teke initiativet til ei kartlegging av skips- og offshoreindustrien i Hordaland. Kartlegginga vil verta nytta som grunnlag for mogelege omstillingsprosjekt. For å finansiera tiltaka har fylkesutvalet vedteke å setja av inntil 2,5 millionar kroner.

Tidsavgrensa prosjekt

Eit samrøystes fylkesutval vedtok samstundes eit tillegg frå Pål Kårbø om at prosjekta bør vera tidsavgrensa, slik at nye tiltak kan koma i vurdering.