Arna vidaregåande skule vil få samla all undervisninga i Vestliveien på Garnes hausten 2011. Eit tilbygg til 20 millionar kroner skal stå klart til å ta imot bygg- og anleggsteknikklina som no har lokale i Seimsmarka.
Eit samrøystes fylkesting gav 8.-9. juni klarsignal for oppstart av planabeidet.
Ny bygghall
Prosjektet er kostnadsrekna til 20 millionar koner fordelt med 15 millionar til ny bygghall og 5 millionar til nødvendig ombygging ved skulebygningen i Vestlivegen.
Bygghallen får undervisningsdel med grupperom, garderobar og kontor, og ein verkstaddel. Total golvflate er på ca 720 kvadratmeter. I tilknyting til bygghallen skal det opparbeidast eit uteareal.
Løyvingar
Til prosjektet har fylkestinget løyvd 5,7 millionar kroner over årets budsjett. 1 million kroner er løyvd tidlegare. 13,3 millonar kroner skal finansierast i 2011.
Hausten 2011
Målet er å ha utbygginga ferdig til skulestart hausten 2011, førsett at ein får til ei rask avklaring av reguleringsmessige forhald.