Hordaland fylkesting har samrøystes godkjent Samnanger kommune sin søknad om forskottering av 100 mill. kr til delfinansiering av ny veg og tunnel forbi Tysse.
Tunnelen vil gjere slutt på flaskehalsen gjennom Tysse sentrum. (foto: Stanley Hauge)
Omlegging av den smale fylkesvegen gjennom Tysse sentrum er eit lenge etterlengta tiltak hos så vel innbyggjarane så vel som for gjennomreisande trafikkantar. Ei omlegging av den 5,8 kilometer lange strekkja Gaupholm-Straumen bru inneber mellom anna driving av 2,3 kilometer tunnel og bygging av gang- og sykkelsti.
Spleiselaget som står bak forskotteringa på 100 mill. kr er Frank Mohn Fusa (30 mill. kr), Fusa Kraftlag (30 mill. kr), BKK (25 mill. kr), Fusa kommune (5 mill. kr), Samnanger kommune (7 mill. kr) og Kvinnhead kommune (3 mill. kr).
Kostnader og framdrift
Prosjektet er prioritert i handlingsprogrammet for fylkesvegnettet i Hordaland for 2010 – 2013 (19) innanfor ei totalramme på 335 millionar 2008-kroner. Det er lagt opp til anleggsstart i 2012.
I handlingsprogrammet for fylkesvegplanen er tunnel bak Tysse ført opp med 150 mill. kr i 2014, 151 mill. kr i 2015 og 100 mill. kr i refusjon av forskotteringa i åra 2015-19. Forskotteringa skal etter dette opplegget betalast attende med 25 mill. kr over fire år.
Stanley Hauge 09.06.2010 11:30