Anne Iren Fagerbakke, Mathopen, 42 år, er tilsett som ny samferdselssjef i Hordaland fylkeskommune. Ho kjem frå stillinga som KHMS- og produksjonsstyringssjef i Mesta Drift AS.
Fagerbakke er utdanna sivilingeniør innan bygg (veg og trafikk), og har røynsle innan samferdsel, både jernbane, kollektivtrafikk og dei siste åra innan drift, vedlikehald og utbygging av vegnettet.
Fagerbakke har jobba i Mesta Drift sidan 2006. Før det var ho fem år i Bergen kommune. Først som byggesakssjef og deretter som etatsleiar ved etat for byggesak og private planar.
Elles har Fagerbakke røynsle frå Veidekke AS, teknisk etat i Fjell kommune, byutvikling i Stavanger kommune og Banedivisjonen til NSB Region Vest som avdelingsingeniør. I to år var ho dagleg leiar av Stiftelsen Grønn By Stavanger. Ho tok eksamen som sivilingeniør ved NTNU i Trondheim i 1991.