I alt er det fordelt 27,5 mill. kr til samferdselstiltak, 5,2 mill. kr til kompetanseheving, 2,5 mill. kr til bedriftsretta tiltak fordelt av Innovasjon Noreg og 7,4 mill. kr til andre tiltak.
Jondalstunnelen
Til Jondalstunnelen er løyvd 3,3 mill. kr for 2009. Det står då framleis att å løyva 15,6 mill. kr finansiert av kompensasjonsmidlane. Det er ein føresetnad at denne restsummen vert innarbeidd i planane for 2010 og 2011, heiter det i fylkesutvalet sitt vedtak.
Bedriftsretta
Fylkesutvalet vedtok også at bedriftsretta virkemidlar skal forvaltast etter same praksis som andre fylkeskommunale midlar til Innovasjon Noreg og bør frå 2010 utgjere minst 10% av den årlege ramma.
Kompetansetiltak
Innan kompetanseheving er det for 2009 fordelt 3 mill. kr til samarbeid skule-næringsliv.
Kvinnherad og Ålvik
Andre tiltak som får tilskot er: Næringsfond Kvinnherad 3 mill. kr, kultursenter Husnes 2,5 mill. kr og tettstadutvikling Ålvik 1,5 mill. kr.
Andre vedtak
Pressemelding om vedtak i fylkesutvalet 21. jan. 2010 (pdf-fil)