Fleire tiltak for å betra luftkvaliteten i Bergen

For å betra luftkvaliteten i Bergen vert det sett i verk ei rekkje nye tiltak. Frå kl. 24.00 i kveld (torsdag 14. januar) vert det kjøre- og parkeringsrestriksjonar innanfor den ytre bompengeringen.

Nye tiltak

Innanfor den ytre bompengeringen i Bergen vert bruken av privatbil avgrensa ved at bilar med nummer som sluttar på oddetal, kan kjøra på datoar med oddetal. Bilar med partal til slutt, kan kjøra med datoar med partal.

Kapasiteten på parkeringsplassar vert halvert i Bygarasjen, Klostergarasjen, og ved parkeringanlegga ved Akvariet og Solheimsgaten.

I Åsane vert det sambruksfelt på E39 mellom Hesthaugen og Øyjorden og fartsgrensa vert sett ned frå 80 km til 60 km.

Hordaland fylkeskommune opprettheld tilbodet om gratis ekspressbussar i rusjtida.