Varaordførar Trude Drevland i Bergen og leiar av kultur- og ressursutvalet i Hordaland, Helge Andre Njåstad på fellesmøtet om kultur, idrett og næring.
foto: Bjarte Brask Eriksen
Initiativ i Brüssel
– Dette blir eit felles møte mellom Komite for kultur, idrett og næring i Bergen kommune og Kultur- og ressursutvalet i Hordaland fylkeskommune. Initiativ til møtet kom då eg møtte varaordførar Trude Drevland i Brüssel. Vi hadde begge tenkt tanken om eit felles møtte, opplyser konstituert fylkeskultursjef Ronny Skaar.
Bergen er motoren
Skaar fortel at bakgrunnen for møtet er at Hordaland fylkeskommune har hatt god kontakt med Bergen kommune på administrativt nivå.
– No ønskjer vi å løfte dette opp til politisk nivå. Vi har overordna felles mål. Hordaland er ein kulturregion og Bergen er motoren i dette. Det er viktig med samhandling og at vi har ein felles arena. Vi håpar dette møtet kan bli gjentatt og at vi kan få eit til fast årleg fellesmøte, seier konstituert fylkeskultursjef Ronny Skaar.
Tema
Mange ulike aktuelle tema står på dagsorden: Institusjonspolitikk, finansiering av kulturhus, vertskapsproblematikk, finansiering av nettverksorganisasjonar og kompetansemiljø, fylkeskommunale og kommunale planer innan arkiv, bibliotek og museum, kommunal idrettsplan kontra fylkesidrettsplan og kulturelt utviklingsprogram og teaterpolitikk.
Detaljert dagsorden for fellesmøtet (pdf)