Stavangerordførar Leif Johan Sevland og Bergen-byråd Monica Mæland signerte i går ein historisk samarbeidsavtale mellom Stavanger og Bergen. No skal byane samarbeida om mellom anna ferjefri kyststamveg, utdanning og forskning, næringsutvikling og kulturarbeid.
Velkomen avtale
Fylkesordførarane i Vestlandsrådet ønskjer avtalen velkomen.
─ Det er gledeleg at Stavanger og Bergen evner å byggje ein samarbeidsplattform. Avtalen har i seg elementer som også inngår i strategiane til Vestlandsrådet. Jo fleire byar som sluttar seg til grunntanken bak Vestlandsrådet, desto sterkare Vestland får vi, seier fylkesordførarane.
Prioriterte satsingsområde for Vestlandsrådet er:
• Internasjonalt arbeid
• Samferdsel
• Innovasjon og næringsutvikling
• Kystressursforvaltning
• Energi og miljø
• Kultur
Saman for E39 Kyststamvegen: Fylkesordførarane Nils R. Sandal (Sp) – Sogn og Fjordane, Olav Bratland (H) – Møre og Romsdal, leiar i Vestlandsrådet Torill Selsvold Nyborg (KrF) Hordaland, Tom Tvedt (Ap) – Rogaland og professor Victor D. Norman møtte stortingspolitikarane i Oslo i juni 2008 for saman å kjempa for å få på plass visjonen om ein ferjefri Kyststamveg. No har dei storbyane Bergen og Stavanger med på laget også. (Foto: Simon Sortland).
Vestlandsrådet er dei fire fylkeskommunane Rogaland, Hordaland, Sogn og Fjordane og Møre og Romsdal. 20 personar utgjer Rådet, fem frå kvart fylke. Representantane er valgt av og blant fylkestinget sine medlemar.
Plattform-Bergen-Stavanger-10.pdf
Haugesunds Avis.no: Ny storbyallianse
Meir informasjon:
Torill Selsvold Nyborg, Fylkesordførar i Hordaland - 91 52 27 33
Tom Tvedt, Fylkesordførar i Rogaland - 97 19 92 33
Olav Bratland, Fylkesordførar i Møre og Romsdal - 91 38 57 76
Nils R. Sandal, Fylkesordførar i Sogn og Fjordane - 915 52 219