Fylkesutvalet i Hordaland har løyvd 400 000 kr til Noregs Friidrettsforbund og Hordaland friidrettskrets til å arrangera European Team Championships Super League på Fana stadion 19.-20.juni 2010.
Meisterskapet er det største friidrettsarrangementet Noreg kan ta på seg. Dei 12 beste nasjonane i friidrett i Europa deltek med over 800 deltakarar og leiarar.
Stor frivillig innsats
500 frivillige rekruttert frå dei fleste friidrettsklubbar i Hordaland står for gjennomføringa. Arrangementet skal vere eit folkeleg arrangement. Skular vert inviterte til å laga prosjekt knytt til dei deltakande landa og koma på Fana Stadion for å heia på sine "vennskapslag". Fylkesfinale for Tinestafetten skal vera ein del av stemnet på laurdag 19. juni. Elevane på idrettslinja på Stend vidaregåande skule skal delta i arrangementet som ein del av undervisninga.
Kostnadsramme
Arrangementet vil har ei total kostnadsramme på 7,16 mill. kr. Det Europeiske friidrettsforbundet bidreg med 2,5 mill. kr, Bergen kommune bidreg med 3 mill. kr i arrangementsstønad, i tillegg til opprusting av Fana stadion. Norges Friidrettsforbund har det økonomiske ansvaret for arrangementet.
Pressemelding med fleire vedtak i fylkesutvalet 18. februar (pdf-fil)