Inge A. Alver ny fagopplæringssjef

Inge A. Alver har dei siste 11 åra vore rektor ved vidaregåande skular i Knarvik. Først ved Nordhordland vidaregåande skule og frå 2003 ved Knarvik vidaregåande skule – som er namnet etter samanslåinga av Lindås gymnas og Nordhordland vidaregåande skule.

1. februar 2011 startar Inge Alver som fagopplæringssjef i Hordaland fylkeskommune.

Allsidig

Alver har arbeidd i Hordaland fylkeskommune i til saman 30 år sidan han første gong byrja i fylkeskommunen i 1975. Fleire gonger i desse åra har han skifta «beite» for å få variasjon og inspirasjon til å koma sterkare tilbake i skulen. Han har arbeidd både som lærar, studieinspektør og medarbeidar ved Europakontoret. Og han bygde opp fylkeskommunen sin internasjonale klasse i Cardiff, Wales. I tre år var han også informasjonssjef ved Statoil Mongstad.

Vel-medalje

Rett før jul no var han ein av sju medarbeidarar ved Knarvik vidaregåande skule som fekk Noregs vels medalje for lang og tru teneste i fylkeskommunen.

Fredheim

Noverande fagopplæringssjef Ole G. Fredheim sluttar i stillinga frå same tidspunkt som Alver tek til.