I første fase skal nordre del av bystajonen rustast opp for 90 mill. kr, deretter står søndre del for tur – kostnadsrekna til 80 mill. kr. Til kjøp av terminalområdet, Nonneseterterminalen, er det budsjettert med 20 mill. kr. Samla kostnad for utbygginga er kalkulert til 190 mill. kr.
Ny busstasjon i Bergen: Inngang mot vest, med kiosk som er kunstnarleg utsmykka. (Skisse: Paal Kahrs Arkitekter.)
Lenkje
Skisse prosjektert utbygging av Bergen busstasjon (pdf-fil)
Finansiering
110 mill. kr av opprustinga vert finansiert gjennom Bergensprogrammet.
Fylkestinget viser til at Bystasjonen er eit sentralt kollektivknutepunkt som ligg i direkte tilknyting til riksveg, og legg til grunn at inntil 50 % av prosjektet vert finansiert over det statlege riksvegbudsjettet.
Fylkestinget vil starta forhandlingar med statlege styresmakter om restfinansiering av prosjektet (søre del), kostnadsrekna til 80 mill kroner.
Forskotterer
Fylkestinget ser det som viktig å gjennomføra heile prosjektet i samanheng, og legg til grunn at fylkeskommunen kan forskottere den statlege delen av finansieringa. Det er ein føresetnad for ei eventuell forskottering at midlane vert refundert i handlingsprogramperioden 2014-2017.
Sommaren 2012
For nordre terminal er planlagt byggjestart i august 2011 og ferdigstilling sommaren 2012. Planlagt byggjestart for søre del er sett til sommaren 2012 og ferdig anlegg sommaren 2013.
Trygg venteplass
Det nye publikumsbygget gir ein trygg venteplass for de reisande og beskytta mot ver og vind. Her finnes informasjon om reisa, billettautomatar og tilbod frå kiosk. Gjennom dei store glasrutene kan ein følgje med når bussen kjem til perrongen. Bygget inneheld også toalett og det er avsett areal der dei reisande kan få informasjon frå terminalvertar. Terminalvertane skal ha ansvar for ro og orden på terminalen samstundes som dei kan hjelpa dei reisande med å orientera seg.
Pressemelding om vedtak i fylkestinget 15.12.2010 (pdf-fil)