Nybygga
Den nye Nordahl Grieg vgs. på Sørås i Bergen er den største vidaregåande skulen Hordaland fylkeskommune har bygd til no. Det andre nybygget dei nye lokala for Osterøy vidaregåande skule i Lonevåg.
Nordahl Grieg videregående skole på Sørås i Bergen er den største vidaregåande skulen Hordaland fylkeskommune har bygd.
Tilbygga
Dei tre store tilbygga er ved Kvinnherad vidaregåande skule, Stord vidaregåande skule og Austevoll vidaregåande skule.
Stor fornying
– Den store utbyggingsprogrammet vi har hatt i gang sidan 2005 toppar seg i år med opning av to nybygg og tre store tilbygg samstundes, seier fylkesordførar Selsvold Nyborg.
Fylkesordføraren oppsummerer: I 2006 opna vi den nye Olsvikåsen videregående skole, så stort tilbygg ved Tertnes videregående skole i 2007 og hausten 2009 større tilbygg ved Knarvik vidaregåande skule. I tillegg til dei fem nybygga vi opnar no, har vi også under bygging ny sentrumsskule (Amalie Skram) i Bergen og større tilbygg ved fleire andre skular.
Hektisk innspurt
Ved alle nybygga som skal takast i bruk ved skulestart onsdag 18. august, er det hektisk innspurt med å få alt på plass til elevane møter opp. – Det er som vanleg før opning av nye bygg, så det skal gå bra, seier eigedomssjef Helge Haavardtun – på synfaring på Nordahl Grieg vgs.
Opningsmarkeringar
Den første opningsmarkeringa vert ved det nye «flaggbygget» til fylkeskommunen, Nordahl Grieg vgs., tysdag 24. august.
Deretter følgjer opningsmarkeringane slik:
- Kvinnherad vidaregåande skule torsdag 2. september
- Stord vidaregåande skule fredag 3. september
- Osterøy vidaregåande skule måndag 6. september
- Austevoll vidaregåande skule fredag 10. september
Store investeringar
Fylkeskommunen brukar kring 800 millionar kroner til å realisera dei fem skulebygningane som no vert tekne i bruk.
Den store Nordahl Grieg vgs. med golvareal på 15 000 m2 og store uteanlegg har ein prislapp på ca. 470 mill. kr.
