Saman med den politiske leiinga i 14 hordalandskommunar var fylkesordføraren invitert til møte statsminister Jens Stoltenberg og olje- og energiminister Terje Riis-Johansen om kraftlinesaka i Hardanger.
Eg er glad for at regjeringa tek ein ny runde om sjøkabel for Sima-Samnanger-lina, seier fylkesordførar Torill Selsvold Nyborg.
Sjøkabel
– Eg opplevde møtet som godt og konstruktivt. Vi fekk utteljing for kravet om at regjeringa må sjå på saka på nytt, seier fylkesordføraren.
Fylkesordføraren seier at ho framleis håpar at sjøkabel vert valt. Ho strekar samstundes under at den nye gjennomgangen ikkje er nokon garanti for at sjøkabel vil verta valt, men at vi i alle fall vil få eit betre og sikrare avgjerdsgrunnlag.
Utvalet skal leggja fram utgreiinga si innan 1. februar 2011.
Tilpassing av traseen
Fylkesordføraren synest også det er positivt at aktuelle kommunar som kraftlina skal gå gjennom, er inviterte til å diskutera den endelege utforminga av den luftspenntraseen. Om det vert slik at kraftlina skal byggjast på heile strekninga, er det svært viktig at den vert best mogleg tilpassa natur og lokalmiljø, seier Selsvold Nyborg.
Lenkjer
Pressemelding frå regjeringa etter møtet 11. august
Nokre nettsideoppslag
Vi vant første runde
Glad for utredning av sjøkabel
Hordaland vant det første slaget