To selskap har levert inn tilbod for å køyra bussrutene på Osterøy – Tide Buss AS og Modalen Eksingedalen Billag AS.
Dette er det niande området som vert konkurranseutsett i Hordaland og omfattar ruteproduksjonen på Osterøy og rutene inn mot Bergen. Omfanget av ruteproduksjonen i Osterøy er estimert til 979 262 rutekilometer pr. år og omfattar all rutetransport inkludert skuleskyss.
Avgjerd i mai
Vinnaren av anbodskonkurransen vil bli kåra ut i frå ei vurdering av tildelingskriteria pris, kvalitet og miljø. Etter planen vil tildeling av kontrakt verta gjennomført i løpet av mai 2010.
Sju år
Kontrakten, som Skyss lyste ut 29. januar 2010, gjeld utføring av bussruteproduksjonen på Osterøy for perioden 1. mars 2011 - 28. februar 2018.
Stanley Hauge 07.04.2010 10:02