Miljø- og utviklingsminister Erik Solheim og riksantikvar Jørn Holme Odda kjem måndag 12. april til Odda for å verta betre kjent med dei gamle industristadene Odda og Tyssedal. Statsråden skal også opna ei ustilling i Tyssedal.
Frå Hordaland fylkeskommune skal fylkesordførar Torill Selsvold Nyborg, fylkeskultursjef Anna Elisa Tryti og fylkeskonservator Per Morten Ekerhovd delta.
Industristad og verdsarv
Statsråd Solheim skal få orienteringar om gjenbruk av smelteverkstomta i Odda. Delar av området er mellombels freda, og Odda-Tyssedal-området skal også vurderast som verdsarv. Solheim skal også vitja eitt av dei ti prioriterte teknisk-industrielle kulturminna i Noreg, Tyssedal kraftstasjon og Norsk Vasskraft- og Industristadsmuseum.
Opnar utstilling
Måndag 12. april kl. 13.30 opnar Erik Solheim ei utstilling i Tyssedal i samband med at staden som den fyrste industriarvstaden får status som ankerpunkt i European Route of Industrial Heritage.
Pressemelding frå Miljøverndepartementet