Mette Nora Sætre er tilsett som næringssjef i Hordaland fylkeskommune. Ho tek til i stillinga i 1. juni.
Mette Nora Sætre (f. 1964), Bergen, skal leia næringsseksjonen i regionalavdelinga i fylkeskommunen. Næringsseksjonen har ca. 15 tilsette. Seksjonen si hovudoppgåve er å arbeida med regional næringsutvikling. Hordaland fylkeskommune disponerer årleg 150-160 mill. kr til næringsrelaterte prosjekt og tiltak.
Sætre er utdanna diplomøkonom (Bachelor of Management) og avsluttar mastergrad no i vår.
Tidlegare har Mette Nora Sætre vore senterleiar ved Sartor Senter (2000-2007). Dei siste åra har ho drive konsulentverksemd med styreverv i ei rekkje verksemder i bergensregionen.
Sætre har vore medlem i Bergen bystyre og Hordaland fylkesting som representant for Høgre. Ho var medlem i kultur- og ressursutvalet i fylkeskommunen i perioden 2003-07, og var nestleiar i utvalet i 2006-07.
Stanley Hauge 30.04.2010 11:13