Konsesjonsmidlar til regional utvikling

Ny tildeling av konsesjonskraftmidlar står for døra. Inntil 13 millionar skal fordelast for 2010 og 2011. Kommunane vert invitert til å søke om støtte til større utviklingsprosjekt der det kan skapast noko særmerkt som styrkar regionen. Søknadsfrist 10. m

Målet er å utvikle gode, attraktive og konkurransedyktige lokalsamfunn og regionar. Hordaland fylkeskommune ønskjer å bidra til dette saman med kommunane, næringslivet og andre utvikingsaktørar.

Fylkeskommunen inviterer derfor kommunane til å søkje om konsesjonskraftmidlar til regional utvikling. Vi tek sikte på å fordele inntil 13 millionar kronar gjennom denne runden. Dette er midlar både for 2010 (3,5 mill. kr), og for 2011. Det kan verte aktuelt å utsette fordelinga av noko av midlane til 2011.

Synlege landemerke med store ringverknader

Føremålet med ordninga "Bruk av konsesjonskraftmidlar til regionale utviklingstiltak" er å støtte gode lokale utviklingsinitiativ. Støtta skal gå til større utviklingsprosjekt der ein kan skape noko særmerkt som styrkar regionen. Prosjekta bør ha ambisjonar om å verte synlege landemerke i regionen og forvente å ha store lokale og regionale ringverknader.

Kriterium og føresetnader
Midlane er primært tiltenkt investeringsformål og føreset at prosjekta er relativt godt utvikla og konkretiserte. Det er ein føresetnad at prosjekta medverkar til å skape gode, attraktive og konkurransedyktige samfunn. I søknadshandsaminga vil vi legge vekt på om prosjekta byggjer opp under strategiane som er utforma i Fylkesplan for Hordaland 2005-2008 og i Regionalt utviklingsprogram for Hordaland 2010.

Midlane skal primært gå til investeringsføremål.
Prosjekta må ha lokal medfinansiering. Om dette ikkje er på plass ved innsending av søknaden, ber vi om at finansieringsplan blir ettersendt så snart som råd.
Avslutning av prosjekta må vere seinast i løpet 2013. Det må godtgjerast at prosjekta er så modne at dette er realistisk.
Søknader må ikkje vere i strid med EØS-regelverket om statsstøtte. Mellom anna kan det ikkje bli gitt støtte til einskildbedrifter.
Det vert stilt store krav til realismen i prosjekta og til framdriftsplanane.
Organisasjonar og institusjonar kan fremje søknader, men for å sikre god lokal forankring må ordførar i aktuell kommune stå som underskriver av søknaden.

Tidlegare prosjekt

Cruiseskipshamna i Eidfjord er døme på eit prosjekt som er finansiert med regionale utviklingsmidlar frå Hordaland fylkeskommune. (Foto: Stanley Hauge).

Sidan tilskotsordninga vart etablert i 2003 har fylkeskommunen gitt midlar til følgjande prosjekt:

2003
Cruisekai Eidfjord 11,0 mill kr.

2004
Ekspressheis Bavallen, Voss 3,0 mill. kr
Dale Fabrikkutsalssentrum, Vaksdal 1,5 mill. kr
Folgefonna informasjons- og nasjonalparksenter, Kvinnherad (steinparken) 2,0 mill. kr

2006
Marstein fyr, Austevoll   3,5 mill. kr
Stordalen skitrekk, Masfjorden   3,5 mill. kr
Sentrumsutvikling Osøyro, Baronselva, Os   1,5 mill. kr
Innfallsport Jondal   1,5 mill. kr

2007
Nye verkstader ved Vestnorsk kulturakademi     2,0 mill. kr
Odda Vitensenter        2,0 mill. kr
Perler i Nordsjøløypa        2,0 mill. kr
Besøksmål i Folgefonna Nasjonalpark      2,0 mill. kr
Fedje fleirbrukshall        2,0 mill. kr
Folgefonnsenteret 2,5 mill. kr

2008-09
Os kunst- og kultursenter    4,5 mill kr
Kompetansesenter for avansert maskinering    2,0 mill kr
Historisk grunn Onarheim    2,0 mill kr
Trallebana Skjeggedal    2,0 mill kr
Kunstnarhus i Fartein Valen sitt landskap     0,5 mill kr