Fylkeskommunane har eit ansvar for plankompetanse i kommunane og Hordaland fylkeskommune har tatt initiativ for å betra utdanninga på Vestlandet.
Aukande trong for plankompetanse
Krav til plankompetanse i kommunane er aukande. Både private konsulentmiljø og offentleg sektor slukar unna det som er av utdanna arbeidskraft i regionen. Arbeidskrafta er sterkt prega av det utdanningstilbodet som finst i nærleiken. På Vestlandet er utdanninga både ujamnt fordelt og svært ulikt innretta mellom institusjonane. Fylkeskommunane har eit ansvar for plankompetanse i kommunane og Hordaland fylkeskommune har tatt initiativ for å betra utdanninga på vestlandet mellom anna retta mot UH:nett vest.
UH-nett vest i samspel med brukarane
UH-nett vest, eit samarbeid mellom Universitetet i Bergen, Høgskolen i Bergen, Høgskolen i Sogn og Fjordane, Høgskolen Stord/Haugesund og Høgskulen i Volda , har tent på ideen om ein erfaringsbasert mastergrad i arealplanlegging for Vestlandet. Eit panel av brukarrepresentantar har no kome med innspel til UH-nett vest om aktuelle modular for å fylla ein mastergrad. Målet er eit komplementerande samarbeid mellom fleire institusjonar, fakultet og institutt om ei satsing på plankompetanse.
Vestlandkonferanse om planutdanning
Jørgen Amdam rektor ved Høgskulen i Volda og professor i planfag er UH-nett vest sin representant i arbeidet og Hordaland fylkeskommune ved plansjef Marit Rødseth leiar den eksterne plangruppa. Det er eit siktemål å samla både brukarrepresentantar og utdanningsinstitusjonar til ein konferanse i november 2010. Ein modul i Planrett er alt sett i gong og i alt ni modular er skissert i mastergraden.
Frå tidlegare handsaming i UH-nett vest: http://uhnettvest.no/index.php?action=post&id=52
Brukarforslag til modular i erfaringsbasert mastergrad i planlegging