29,7 mill. kr av midlane til regionale forskingsfond i 2010 er tildelt Region Vestlandet, lokalisert i Hordaland, og som omfattar Rogaland, Hordaland og Sogn og Fjordane. I alt har Kunnskapsdepartementet fordelt 212,4 mill. kr til regionale forskingsfond
Kunnskapsdepartementet har også fastsett lokalisering av fonda. Hordaland fylkeskommune skal vera vertsfylkeskommune for Region Vestlandet.
Nyskapande
– Desse midlane markerer startskotet for mykje nyskapande forsking og innovasjon over heile Noreg, seier forskings- og høgare utdanningsminister Tora Aasland.
Styrkja regional forsking og innovasjon
Formålet med dei regionale forskingsfonda er å styrkja regional forsking og innovasjon. Fonda skal bidra til langsiktig, grunnleggjande kompetansebygging i relevante forskingsmiljø og såleis medverka til auka kvalitet i forskinga, heiter det i pressemelding frå departementet.
– Dei regionale fonda skal supplere dei nasjonale FoU-verkemidla og styrkje samspelet mellom næringsliv, høgskular, universitet og regionane, seier statsråd Aasland.
Utlysinga klar
Dei regional forskingsmidlane for Vestlandet er alt lyste ut, med søknadsfrist 2. juli.
Utlysing Vestlandet
Samarbeidsprosjekt
I 2010 skal 27 millionar kroner av den samla løyvinga på 212,4 millionar kroner mellom anna nyttast til samarbeidsprosjekt og til eventuell utlysning av regionale problemstillingar i nasjonale forskingsprosjekt. Desse midlane vert fordelte gjennom Forskingsrådet.
Lenkjer
Pressemelding frå Kunnskapsdepartementet
Regional forskingsstrategi Vestlandet