I budsjettgrunnlaget er det rekna med 5 264,6 mill. kr til drift av dei ulike tenesteområda og 255,8 mill. kr til renter og avdrag på lån. Samla utgifter er dermed 5 520 mill. kr.
Investeringsbudsjettet for 2010 er på 2 744 mill. kr. Totalbudsjettet for Hordaland fylkeskommune i 2010 vert dermed på i alt 8 264 mill. kr.
Tilsvarande tal for 2009 er 4 298 mill. kr til drift, 230 mill. kr til renter og avdrag og 936,5 mill. kr til investeringar.
Samferdsel og kultur
Driftsbudsjetta for 2010 viser auke for alle sektorar. Størst er auken innan samferdsel med 610 mill. kr i til nye veg- og ferjeoppgåver. Opplæring får styrking på ei rekkje postar og det same gjer kultur.
To nye vidaregåande skular
Satsinga på fornying av bygningane til vidaregåande skulane held fram for fullt i 2010-13 med 1 714,4 mill. kr. I 2010 skal to nye skular og store tilbygg til to andre takast i bruk.
Kutt i taksten mellom Bergen og omland
Takstane for reiser med buss og båt vert auka med 2,5 % frå 1.1.2010. Men samstundes vert prisane for reiser mellom Bergen og omland kutta med ei takstsone.
Bybanen
I 2010 skal fylkeskommunen setja i gang drifta av Bybanen i Bergen og får også ansvaret for den vidare utbygginga av bybana frå Nesttun til Lagunen.
Budsjettet til Hordaland fylkeskommune for 2010