- Vi er svært glade for at trasealternativet N6 no kan realiserast. Krava til fullfinansiering som fylkesutvalet sette er no innfridd etter at Skatt Vest har konkludert med at det ikkje vil bli skattekrav mot Jondal Energi AS, seier fylkesordførar Torill
Fylkesutvalet i Hordaland var positiv til finanseringsopplegget Jondal kommune la fram for fullfinansiering av alternativ N6 for Jondalstunnelen bak Torsnes. Den framlagde finansieringa var avhengig av skattefritak.
Skatt Vest har i brev innkomen 26. november til Jondal kommune konkludert med at fusjonen mellom Jondal Energi AS og Indre Hardanger Kraftlag AS kan skje skattefritt.
Dette betyr at ekstern fullfinansiering av trasealternativet N6 no kan realiserast ved at fylkeskommunen vil motta 46,6 mill. kr i tilskot til Jondalstunnelen. Av denne summen vil 6,6 mill. kr koma som tilskot frå Trond Mohn.
Dermed vil fylkesrådmann Paul M. Nilsen nytta si fullmakt frå eit samrøystes fylkesutval om å akseptere denne finansieringsløysinga.