Fagopplæringskontoret, kontrollstaben, sekretariatet for kontrollutvalet, hovudtillitsvalde og fylkeshovudverneombodet flytta 16. november frå Fylkeshuset og rett over gata til Wigandgården.
I samband med flyttinga er fagopplæringskontoret stengt for publikum til og med tysdag 17. november.
Fylkeskommunen er i vekst og får fleire tilsette. I samband med dette er det leigd lokale til nye kontorareal i Wigandgården, 6. og 7. etasje, og ny møteromsavdeling i 8. etasje.
Flytta rett over gata
Einingane som har flytta frå Fylkehuset i Agnes Mowinckels gate 5 til Wigandgården, Agnes Mowinckes gate 6 – rett overfor er:
· Sekretariat for kontrollutval, 7. etasje fløy mot vest
· Kontrollstaben, 7. etasje fløy mot vest
· Fagopplæringskontoret, 7. etasje fløy mot aust
· Hovudtillitsvalde og fylkeshovudverneombod, 6. etasje
Frå før er Eksamenskontoret, OT/PPT og Senter for yrkesrettleiing på plass i 6. etasje.
Resepsjon
I Wigandgården er det felles resepsjon i 6. etasje. Alle besøkande skal venda seg i resepsjonen.