Forslaget som er tilrådd er sett fram av samarbeidspartia Høgre, Fremskrittspartiet og Kristeleg folkeparti. Forslaget er tilrådd med dei åtte røystene til dei tre partia. Fylkestinget skal handsama budsjettet 8.-9. desember.
Påplussingane innan drifta fordeler seg med 5,3 mill. kr til opplæring, 4,6 mill. kr til kultur, 6,0 mill. kr til samferdsel og 0,6 mill. kr til tiltak i samband med informasjonsstrategi. På investeringssida er forslaget 10 mill. kr meir til utstyr ved dei vidaregåande skulane og 10 mill. kr meir til asfaltering av fylkesvegar.
Kostnadsreduksjonar/inndekking
For å dekka inn 16,5 mill. kr til nye tiltak vert netto driftsresultat redusert med 5,5 mill. kr, reserve til fagskular vert redusert med 4 mill. kr og fylkesrådmannen får i oppdrag å effektivsera drifta i organisasjonen med 5 mill. kr. Innan kultur skal det sparast 1 mill. kr på stillingsbudsjettet. 1 mill. kr av midlane til folkehelse vert omdisponert til friluftsbudsjettet.
Nye tiltak
Opplæring
Påplussing på 5,3 mill. kr til opplæring går til desse tilaka:
Tilskot til skuleskipet Gann 0,5 mill. kr. Auke til bibliotekplanen 1,0 mill. kr. Til AbelCamp , eit helgearrangement i samarbeid med VilVite for elevar med nagturfaginteresser, 0,2 mill. kr. For å skaffa fram betre datagrunnlag for å vurdera tiltak mot bortval vert det løyvd 0,2 mill. kr. Til tiltak for å redusera bortval vert det også føreslege 0,3 mill. kr til Studiesenter Årstad.
2 mill. kr skal gå til å styrkja IKT-støtte ved dei vidaregåande skulane. 100 000 kr vert sett av til stipend for vidareutdanning av lærarar.
1 mill. kr vert løyvd til å dekka renter og avdrag i samband med at investeringane til utstyr ved dei vidaregåande skulane vert auka med 10 mill. kr. Samla budsjett for utstyrskjøp i 2010 vert dermed 35 mill. kr.
Kultur
Påplussinga innan kultur er på 4,6 mill. kr.
Til Friluftslivets hus er ført opp 1 mill. kr i 2010 og planen er å løyva 1 mill. kr også i 2011. Til Bergen og omland frilufsråd sitt kystfriluftslivets hus er det også ført opp 1 mill. kr i 2010 og planlagt løyvd 1 mill. kr i 2011.
Løyvinga til kulturelt utviklingsprogram (KUP) vert auka med 1 mill. kr til i alt 7 mill. kr.
Andre påplussingar i 2010 er: Pilgrimssenter Røldal 0,5 mill. kr, Hordaland husflidslag 100 000 kr, rennesansehage Stend 100 000 kr, Statsraad Lemkuhl 200 000 kr, Espeland fangeleir 200 000 kr, Sunnhordland museum 200 000 kr, Kunstmusea 200 000 kr, Vestnorsk jazzsenter 100 000 kr, Ole Bull jubileum 100 000 kr, BIFF 100 000 kr.
Samferdsel
Påplussing innan samferdsel er på 6,0 mill. kr.
Til opplæring av bussjåførar er ført opp 2 mill. kr til kursopplegg for å kvalifisera og rekruttera fleire sjåførar. Tiltaket skal gjennomførast i samarbeid med selskap, skular og kjøreskular.
Til tilskot servicelinjer vert løyvd 1 mill. kr. Midlane skal kunna nyttast som tilskot til oppretting av servicelinjer i samarbeid med kommunar og frivillige organisasjonar.
2 mill. kr vert løyvd til disposisjon for samferdselsutvalet til andre kollektivtiltak.
I samband med at investeringa til asfaltering av fylkesvegar vert auka med 10 mill. kr, vert det ført opp 1 mill. kr til å dekka rentar og avdrag med denne auken.
Tekstforslag
Fylkesutvalet har også tilrådd at fylkestinget skal vedta desse punkta (føreslegne av H/Frp/KrF):
1. Fylkestinget vil koma tilbake til Fartein Valen-senteret, og andre aktuelle kulturbygg, i samband med ei sak om langsiktig prioritering av tilskotsmidlar til kulturhus. Sak er venta framlagt 1. kvartal 2010.
2. I samband med disponering av sekkepostar i fylkesvegplanen vil fylkestinget i perioden
prioritera veglys i tunnel Henanger-Skår, Baldersheim, og sikringstiltak med evt. lysregulering av Nautnes bru.
3. Fly BGO vert finansiert via RUP (regionalt utviklingsprogram) med 1,5 mill pr. år i to år, totalt 3 mill kr.
4. Sak med strategi for tomteutvikling og framdriftsplan for evt. sal av fylkeskommunale eigedommar skal fremjast for politisk behandling 1. halvår 2010.
ANDRE FORSLAG
Ved budsjetthandsaminga i fylkesutvalet sette Arbeidarpartiet, Sosialistisk Venstreparti og Venstre fram eigne budsjettforslag. Arbeidarpartiet sitt forslag fekk støtte frå Senterpartiet og fekk 5 røyster (Ap, Sp). SV og Venstre sine forslag fekk begge ei røyst.
Arbeidarpartiet
Forslaget frå Arbeidarpartiet hadde påplussingar på 75 mill. kr. Summen vil Ap finansiera ved å bruka 50 mill. kr mindre i driftsmidlar til investeringar og å få 25 mill. kr i inntekter frå staten sin belønningsmidlar for kollektivtrafikken i storbyområde.
Påplussingane fordeler seg med 22 mill. kr til vidaregåande opplæring, 1 mill. kr meir til rådvelde for næringsføremål, 5,5 mill. kr meir til kultur, 39,5 mill. kr meir til samferdsel, 3 mill. kr meir til tannhelse, 1 mill. kr meir til personalpolitiske tiltak og 3 mill. kr meir til renteutgifter.
Forslaget fekk fem røyster (Ap, Sp).
Sosialistisk venstreparti
Sosialistisk venstreparti føreslo påplussingar på 60 mill. kr.
Største påplussingar 30 mill. kr meir til samferdsel (kollektivtrafikken) og 29,1 mill. kr til tiltak i dei vidaregåande skulane. 2 mill. kr er føreslått til miljø- og klimatiltak. Løyvinga til Business Region Bergen og Hordaland olje og gass vert redusert med 2 mill. kr.
Den samla påplussinga på 60 mill. kr vil SV dekka inn ved å bruka 15 mill. kr mindre i driftsmidlar til investeringar, redusera posten til seinare fordeling med 15 mill. kr og auka inntektene med 30 mill. kr i tilskot frå staten sin belønningsordning for kollektivtrafikk.
Forslaget fekk SV si røyst.
Venstre
Venstre føreslo 47 mill. kr i påplussingar til drifta og 31 mill. kr meir til investeringar.
Påplussingane fordeler seg med 29 mill. kr til samferdsel, 15 mill. kr til opplæring, og 3 mill. kr til kultur og idrett. Påplussingar til investeringar gjeld 31 mill. kr til infrastrukturtiltak for kollektivtrafikken.
For å finansiera påplussingane budsjetterer Venstre med 45 mill. kr i tilskot frå belønningsordninga for kollektivtrafikk, 15 mill. kr i inntekter frå køprising, redusera avsetjing momskompensjason/overskot med 18 mill. kr.
Forslaget fekk V si røyst.
Forslaget til fylkesbudsjett frå Høgre, Fremskrittspartiet og Kristeleg Folkeparti (pdf)
Forslaget til fylkesbudsjett frå Arbeidarpartiet (pdf)
Forslaget til fylkesbudsjett frå Sosialistisk Venstreparti (pdf)
Forslaget til fylkesbudsjett frå Venstre (pdf)