Riksantikvaren skal ha søknaden frå Odda kommune med i arbeidet for å få fleire norske kulturminne på UNESCO si verdsarvliste. I første omgang på den tentative lista.
Dette slo miljø- og utviklingsminister Erik Solheim fast då fylkesordførar Torill Selsvold Nyborg og Odda-ordførar Gard Folkvord hadde møte med han i Miljøverndepartementet tysdag 3. mars.
Temaet for møtet var å oppfordra regjeringa til å la arbeidet med den tentative UNESCO-lista også omfatta Odda. Statsråd Solheim stadfesta at dette ville vert gjort, og at Riksantikvaren vil få melding om å inkludera Odda i det vidare arbeidet.
– Vi er svært nøgde med denne konklusjonen frå det korte, men konstruktive møtet vi hadde med miljø- og utviklingsministeren, seier fylkesordførar Torill Selsvold Nyborg.
Kontaktperson:
Fylkesordførar Torill Selsvold Nyborg – mob. 915 22 733
Stanley Hauge 04.03.2009 12:45