Om lag 7000 elevar som byrjar i vidaregåande skule i Hordaland i august får eigen berbar PC. Hordaland fylkeskommune har inngått avtale med Atea AS om levering av Pc-ar for 34 millionar kroner.
Digital kompetanse
Dette er tredje året på rad elevar i den vidaregåande skulen i Hordaland får eigen berbar PC. Fylkeskommunen satsar på digital kompetanse. Målet er at Hordaland skal vere mellom dei leiande utdannings- og kompetansefylka i landet.
Eigendel
Elevane må betale ein eigendel på 800 kroner det første året på skulen og 800 kroner det andre året, totalt 1600 kroner i eigendel. Elevar på media og kommunikasjon får ein kraftigare PC og må også betale 800 kroner det tredje året, total 2400 kroner i eigendel.
Digitale læremiddel
Pc-ane blir også denne gongen levert av Atea, tidlegare Ementor. Leveringa skjer ved skulestart i august. Med dette får alle elevane i den vidaregåande skulen i Hordaland eigen berbar PC, tilgang til digitale læremiddel og den digitale læringsplattforma It’s learning.
Bjarte Brask Eriksen 24.03.2009 15:08