Byggjinga av Jondalstunnelen er lyst ut på tilbod. Utlysinga vert utført av Statens vegvesen på oppdrag frå Hordaland fylkeskommune. Fristen for å koma med tilbod er sett til 18. mai 2009.
Vil ha tilbod på fire trasear
Utlystinga omfattar eit hovudalternativ for tunnelen og tre andre traseløysingar.
Hovudalternativet er omfattar ein tunnel på 8,4 km, hovudvegar, samlevegar og avkøyrsler på i alt 4,3 km og opprusting av eksisterande veg på 3,4 km.
Den estimerte verdien på oppdraget er i utlysinga sett til 500-600 mill. kr.
Opsjonar
I tillegg til hovudalternativet, kombinasjon 1, med godkjent reguleringsplan, vert det bede om pris på 3 andre kombinasjonar med tunnellengder frå ca 8,3 km til ca 10,9 km.
Statens vegvesen ønskjer opsjon på bygging av dei 3 andre kombinasjonane, opsjon 1, 2 og 3.
I utlysinga er det også teke med opsjon (4) om utviding av tunneltverrsnittet frå T8 til T8,5. Opsjon 5 omfattar toalettbygg. Opsjon 6 gjeld strossing av Nordrepolltunnlen (Bergfjelltunnlen) for å auka høgda i kjøreboksen frå 3,9 m til 4,4 m. Opsjon 7 omfattar manuell bomstasjon og servicebygg.
Anbodsopninga
skal vera måndag 18. mai kl. 13.00 på Statens vegvesen Region vest sitt kontor i Leikanger.
Meir informasjon om utlysinga, sjå Doffin.