Alle tiltaka som skal gjennomførast, kjem i tillegg til det som ligg i budsjettet for 2009.
Fylkesvegane
Midlane til fylkesvegane er tenkt nytta slik: Dekkelegging 16,25 mill. kr – dette inkluderer utbetring av stikkrenner, rekkverk, vegmerking og siktrydding i samband med dekkelegginga. Til rehabilitering av bruer 4,05 mill. kr, tunnelsikring 1,8 mill. kr og til mindre utbetringstiltak 4,9 mill. kr.
35 km ny asfalt
Dekkelegging er det planen å gjennomføra på desse fylkesvegane: fv 163 Lysefjorden-Drange (Os), fv 171 Sandslivegen, fv 178 Grimstadvegen, fv 192 Gravdal, fv 197 Olsvikskjeretd, fv 197 Mathopen-Kåkonsvern, fv 276 Takvam-Indre Arna (alle i Bergen), fv 198 Klokkarvik-Sundsvatn (Sund), fv Krossdalen (Jondal), fv 57 og fv 59 (Stord), fv 76 (Fitjar), fv 34 (Etne).
Det vert truleg lagt i alt 35 km med ny asfalt, men det vil avhenga av kor mykje førearbeid som må gjerast og breidda på vegen.
Bruopprusting
Bruene som er planlagt opprusta er fv 45 Sunde-Bjelland(Kvinnherad) og fv 361 (Osterøy).
Tunnelsikringstiltak er planlagt på fv 121 Baldersheim (Fusa) og fv 123 Fusa.
Mindre utbetringstiltak er planlagt på fv 82 og fv 83 i Tysnes og fv 123 i Fusa.
Skulebygningar
Innanfor eigedomsvedlikehaldet vil midlane gå til eit investeringsprosjekt og ei rekkje mindre tiltak ved mange skular i alle delar av fylket. I alt er 52,7 mill. kr disponibelt, då dei 4,5 mill. kr til universell utforming også skal nyttast i skulebygningane.
Varme- og ventilasjonsanlegg
Investeringsprosjektet er nytt varme- og ventilasjonsanlegg i «gamlebygget» ved Knarvik vidaregåande skule til 5 mill. kr. Prosjektet som er planlagt utført i 2010-11, vert framskunda til 2009.
Vedlikehald
43,2 mill. kr skal brukast til vedlikehaldsprosjekt ved skulane. Midlane vil gå til el-arbeid (7,7 mill. kr), utbetring av tak (11,8 mill. kr), skifting av vindaugo (3,4 mill. kr), fasaderehabilitering (13,5 mill. kr), mindre utomhusarbeid (0,8 mill. kr) og diverse bygningsmessig arbeid (6,0 mill. kr).
Universell utforming
Tiltakslista for kva som skal setjast i verk innan universell utforming er ikkje klar. Men det vert sett av 4,5 mill. kr for å utbetra tilhøve som er påpeika i kartleggingsrapporten.
Redusert rammetilskot
Fylkeskommunen sitt rammetilskot for 2009 er redusert med 20,4 mill. kr i høve til det vedtekne budsjettet. Årsaka er endra tildelingskriterium for folkesamansetnad. Fylkestinget har vedteke å bruka 15 mill. kr i avsette fondsmidlar til drift. Inndekking av dei resterande om lag 5 mill. kr skal fylkjestinget koma tilbake til i juni.
Arbeiderpartiet føreslo å nytta 5 mill. kr i avsette fondsmidlar til styrking av opplæring i skule av lærlingar som misser lærepluss og til vaksenopplæring. Forslaget fekk 24 røyster (Ap, SV, Sp, Raudt) og fall. Etter at dette forslaget fall, røysta dei same partia subsidiert for innstillinga frå fylkesutvalet som vart samrøystes vedteken.
Lenkje:
Pressemeldingar frå fylkestinget 18. mars 2009