Hordaland fylkeskommune skal forskottera inntil 45 mill. kr til grunnkjøp i 2009 for byggjesteg II for Bybanen på strekninga Nesttun – Rådalen, går fylkesutvalet inn for. Fremskrittspartiet røysta imot forskottering.
Fylkestinget tek avgjerd i saka i møte 18. mars.
Forskotteringa vert gjort for at ein skal kunna koma raskt i gang med andre etappe av Bybanen.
Driftsansvar
Samferdselsdepartementet har vedteke at fylkeskommunen skal ha driftsansvaret for banen og stå for byggjinga av byggjesteg II av Bybanen. Stortinget har godkjent ei ramme til planlegging og prosjektering av byggjesteg II på 160 mill. kr for åra 2009 og 2010. For 2009 er ramma 80 mill. kr til dette arbeidet.
Finansiering
Arbeidet med Bybanen er finansiert innanfor Bergensprogrammet med statlege midlar og bompengar.
Avtale
Det er utarbeidd ein avtale mellom fylkeskommunen og Statens vegvesen Region vest om korleis statlege midlar og bompengar for planleggings- og prosjekteringsutgiftene skal overførast til fylkeskommunen. Fylkesutvalet rår fylkestinget til å godkjenna avtalen.
Pressemelding om andre saker i fylkesutvalet 12. mars 2009