Regjeringa har tildelt Hordaland fylkeskommune 4,5 mill. kr til vidare utbygging av breiband. Midlane skal nyttast til utbygging i område som framleis ikkje har dekking.
– Regjeringa sitt mål er at folk skal kunne busetja seg der dei sjølve ønskjer. Skal vi nå dette målet, må folk ha lik tilgang til breiband. Utbygging av breiband er ein viktig del av distriktsløftet. Regjeringa har satsa på å stimulera til utbygging, særleg i område der det ikkje er kommersielt lønsamt å byggja ut, seier kommunal- og regionalminister Magnhild Meltveit Kleppa.
På landsbasis har regjeringa fordelt i alt 83 mill. kr til å byggja ut full breibandsdekking.
Sjå: Nye 83 mill. kr til full breibandsdekking