Dei fire vestlandsfylka har mange felles interesseområde. Strategi og framlegg til ny samarbeidsavtale står på dagsorden når fylkesutvala i Rogaland, Hordaland, Sogn og Fjordane og Møre og Romsdal samlast til fellesmøte i Bergen 26. og 27. mai.
Vestlandsrådet har teke initiativ til ei fellessamling for sine fire fylkesutval for å drøfta framtidig strategi. (Foto: Simon Sortland)
Etter at forvaltningsreforma sette tanken om storregionar på sidelina i det politiske landskapet, er det behov for å tenkja nytt kring Vestlandsrådet.
Når fylkespolitikarane i dei fire vestlandsfylka møtes, er det for å freista å verta samde om mogelege felles satsingar på tvers av fylkesgrensene.
Konkretisering
På område som internasjonalisering, samferdsle, innovasjon og næringsutviking i samarbeid med regionale kunnskapsinstitusjonar og forvaltning av kystressursane er fellesinteressene større enn skilnadane mellom kystfylka.
Kvart av dei aktuelle samarbeidsområda vil verta presentert og drøfta. Vert fylkespolitikarane samde vil møtet resultera i ein samarbeidsavtale som konkretiserar visjon og innhald i vedtektene for Vestlandsrådet.
Sjå følgjande pdf-filer:
PROGRAM FOR FELLESMØTE
FRAMLEGG SAMARBEIDSAVTALE FOR VESTLANDSRÅDET
Merknader til framlegg samarbeidsavtale
Vedtekter Vestlandsrådet
Vurderingar handlingsplan VR