Hordaland fylkesutval har vedteke at klassen i VG3 formgjevingsfag ved Stord vidaregåande skule vert oppretthalden skuleåret 2009-10.
Vedtaket i fylkesutvalet var samrøystes.
Tom-Christer Nilsen (H) sette på vegner av Høgre, Kristeleg folkeparti og Fremskrittspartiet fram forslag om at klassen skal oppretthaldast. Forslag fekk tilslutning frå alle dei andre partia i fylkesutvalet.
Både på Stord og Bømlo
På grunn av at det berre er fem søkjarar til klassen, hadde opplærings- og helseutvalet tilrådd at klassen skulle leggjast ned og elevane få plass ved tilsvarande klasse ved Bømlo vidaregåande skule. Også ved Bømlo vidaregåande skule var det få søkjarar til klassen i VG3 formgjeving. Etter fylkesutvalet sitt vedtak vert det VG3 formgjeving både ved Stord og Bømlo vidaregåande skule komande skuleår.
Pressemelding frå Hordaland fylkesutval 28. mai 2009 (pdf-fil)