– Denne inndelinga er heilt i tråd med vårt ynskje og fylkestinget sitt vedtak 18. mars i år, seier fylkesordførar Torill Selsvold Nyborg.
Sju regionar
Som del av forvaltningsreforma frå 1. januar 2010 har Stortinget vedteke å oppretta 5-7 regionale forskingsfond for å styrkja forsking og innovasjon i heile landet.
Kunnskapsdepartementet har i samråd med Kommunal- og regionaldepartementet og etter forslag frå fylkeskommunane og Oslo kommune, vedteke inndeling i sju forskingsfondregionar:
1. Finnmark, Troms og Nordland
2. Nord-Trøndelag, Sør-Trøndelag og Møre og Romsdal
3. Sogn og Fjordane, Hordaland og Rogaland
4. Hedmark og Oppland
5. Aust-Agder og Vest-Agder
6. Telemark, Vestfold, Buskerud og Østfold
7. Oslo og Akershus
Styrkjer forskinga
– Føremålet med dei regionale forskingsfonda er å styrkja forskingsevna gjennom regional forsking og innovasjon og utvikling. Fonda skal bidra til langsiktig, grunnleggjande kompetanseoppbygging i relevante forskingsmiljø, og dermed bidra til økt forskingskvalitet, seier forskings- og høgare utdanningsminister Tora Aasland.
Fondskapital
I statsbudsjettet for 2009 vart det vedteke å oppretta regionale forskingsfond med ein fondskapital på 6 milliardar kroner. Den årlege avkastninga skal stå til disposisjon frå 1. januar 2010.
Strategiar
Fylkeskommunane er i gang med å utarbeida FoU-strategiar. Strategiane skal liggja til grunn for dei regionale fondstyra si prioritering av fondsmidlane.