Fylkesutvalet har løyvd 250 000 kr til Naturvernforbundet i Hordaland sitt prosjekt oljefri.no.
Prosjektet oljefri.no har som mål å medverka til at klimagassutslepp frå oljefyring vert redusert med 90 % innan 2014, og stimulera til lågare utslepp frå byggsektoren generelt.
Erstattar oljefyring
Prosjektet vart starta i mars 2008 og lansert i Bergensområdet i september 2008.
Prosjektet går ut på å tilby nøytral og uavhengig nettbasert informasjon om korleis ein kan erstatta oljefyr med meir klimavennlege oppvarmingsløysingar, tiltak for energifrigjering (= enøk), gode døme og aktuelle støtteordningar.
Heile Hordaland
Naturvernforbundet vil utvida oljefri.no til å dekkje heile Hordaland, og på sikt gjera det tilgjengeleg over heile landet. Det er framlegg om at prosjektet skal inngå i Miljøverndepartementet sitt program «Framtidens byer».
Stanley Hauge 19.06.2009 14:00