Ordninga med studentrabatt på kollektivreiser med buss og båt i Hordaland vert no utvida til også å omfatta studentar ved fagskular og lærlingar.
Fagskular
I brev til fylkeskommunane datert 14. juli presiserer Samferdselsdepartementet at fagskulestudentar har rett til rabatt i lokal kollektivtrafikk.
– Hordaland fylkeskommune følgjer opp og set ordninga i gang så snart det praktisk let seg gjera, seier fylkesordførar Torill Selsvold Nyborg.
– Når nytt skuleår tek til i midten av august, tek me sikte på at rabattordninga for fagskulestudentane skal vera på plass, seier fylkesordføraren.
Også lærlingar og lærekandidatar
I Hordaland vert retten til å reisa med studentrabatt også utvida til å omfatta lærlingar og lærekandidatar. Dette vedtok fylkesutvalet samrøystes på møte 18. juni.
Stanley Hauge 17.07.2009 09:48