Flytypen ATR42 vil bli satt inn i ruta Stord-Oslo frå 10. august då Danish Air Transport overtek spakane ved lufthamna på Sørstokken.
Flyselskapet DAT har god røynsle med innanriksflyging i Norge etter seks år som operatør på rutene Florø-Bergen og Florø-Oslo. Det er same type fly, ATR42, som vil bli satt inn i ruta Stord-Oslo. Denne flytypen, som selskapet karakteriserer som robust og komfortabelt, vert også nytta på DAT Group sine ruter Røros–Oslo, Fagernes–Oslo, Stavanger–Billund og Stavanger-Esbjerg. DAT har elleve slike fly i sin flåte.
- Driftssikker
- DAT har sikra eit stabilt og sikkert flysamband for både næringsliv og privatreisande på rutene Florø-Bergen og Florø-Oslo, samt aktivt delteke i utviklinga av næringsliv og turisme, seier konsernsjef Jesper Rungholm. Vi har etterkvart bygd opp gode røynsle med norsk flytrafikk. Det har mellom anan resultert i ein del tilsette nordmenn, og at vi har tilpassa både teknikk og logistikk til dei behov vi møter på dei lokale rutene.
Ny flyoperatør betyr også nytt billettsystem. DAT sitt bookingsystem er enkelt å bruka, og det finn du på www.dat.dk der du også kan lære meir om flyselskapet.
DAT Group vart etablert i 1989, har om lag 220 tilsette som operer over 15 mellomstore fly over det meste av verden. Hovudkvarteret er på Kolding lufthavn i Vamdrup. I 2008 omsatte DAT Group for 365 mill. kr og hadde eit overskot på 18,8 mill. kr.
- Vi gler oss til å operere frå Stord. Det er eit spanande område, og vi vil gjere alt for å oppnå eit godt og varig samarbeid, seier Jesper Rungholm i pressemeldinga.