Fylkesutvalet i Hordaland vil ha ein fireårig avtale (2009-12) med staten om belønningsmidlar for betre kollektivtransport og mindre bilbruk. Fylkesutvalet søkjer om ei tiltakspakke på ca. 110 mill. kr årleg i perioden.
Fullmakt til fylkesrådmannen
Fylkesutvalet gjev fylkesrådmannen fullmakt til å forhandla med samferdselsdepartementet om ei tiltakspakke med årlege tildelingar for Bergensområdet.
Mindre biltrafikk
Fylkesutvalet sluttar seg til at tiltakspakka må vera innretta slik at den reduserer veksten i biltrafikken og at kollektivtrafikken si konkurransekraft vert styrkt gjennom til dømes å sikra kollektivtrafikken betre framkomst.
110 mill. kr årleg
Tiltakspakka som fylkesutvalet søkjer belønningsmidlar til er på ca. 110 mill. kr årleg i perioden 2009-12.
For 2009 omfattar tiltakspakka 36 mill. kr til vidareføring og utvikling av nye rutetilbod, 22 mill. kr til framkomsttiltak for buss, 32 mill. kr til terminal- og knutepunktutvikling, 12 mill. kr til innfartsparkering for bil og sykkel og 4 mill. kr til informasjon og marknadsføring av kollektivtilbodet.
Dersom samferdselsdepartementet ikkje godkjenner ein fleirårig søknad vil fylkesutvalet søkja om belønningsmidlar for eitt år (2009).
Lenkje
Pressemelding med fleire vedtak frå fylkesutvalet 22. januar 2009