Nordahl Grieg videregående skole, som opnar neste haust, skal vera knutepunktskule for hørselshemma, vedtok Hordaland fylkesting 9. desember.
All hørselsfagleg kompetanse vil verta administrert frå Nordahl Grieg videregående skole. Dette vert gjort for å få betre høve til å vidareutvikla eit samla hørselsfagleg miljø.
Fellesfaga
Elevane som søkjer knutepunktskulen i Hordaland vert formelt tekne inn som elevar ved Nordahl
Grieg videregående skole. Her skal også all undervisning i fellesfaga føregå, uavhengig av kva studieprogram elevane vel.
Samarbeidsskular
Naturlege samarbeidsskular for Nordahl Grieg videregående skole vil vera Slåtthaug, Sandsli og Stend. Nordahl Grieg vgs skal også samarbeida med andre skular dersom eleven skal ha opplæring i utdanningsprogram som ein ikkje kan får ved desse skulane.
Elevane kan søkja alle programområda ved Nordahl Grieg videregående skole og ved samarbeidsskulane.
Tilpassa tilbod
Nordahl Grieg videregående skole, opplæringsavdelinga og samarbeidsskulane i regionen skal leggja til rette for at elevane får eit best mogleg tilpassa opplæringstilbod i høve det programområdet den einskilde elev skal ha opplæring i.