Det var reine 17. mai-stemninga då fylkesordførar Torill Selsvold Nyborg og byråd Lisbeth Iversen saman med representantar for både fylkesting og byråd, Skyss, tilsette i Hordaland Fylkeskommune og Bergen kommune mottok den første bybanevogna nr. 201 tidleg måndag morgon på Skoltegrunnskaien.
I tillegg var eit stort pressekorps, Bybanekontoret, politi, brannvesen og ikkje minst representantar for Stadler, fabrikken som bygger vognene, møtt fram.
Nøgde politikarar mottok den første Bybanevogna. F.v: Harald Hove (V), fylkesordførar Torill Selsvold Nyborg (KrF), Gustav Bahus (Frp), byråd Lisbeth Iversen (KrF), , Ruth Grung (Ap) og fylkesvaraordførar Tom-Christer Nilsen (H).
Symbolikk
Fylkesordførar Torill Selsvold Nyborg fokuserte på kva Bybanen betyr i ein større samanheng i tala si til dei frammøtte, og understreka at det var passande at vogna kom til Bergen same dagen som klimatoppmøtet tok til i København.
- Bybanen skal først og fremst vere ei løysing på dei lokale samferdsels-utfordringane våre, men vogn 201, som vi tek i mot i dag, har ein symbolikk som når mykje lenger enn dei 9,8 kilometra med skinnegang som no er lagt frå rådhuset til Nesttun.
bt.no: Her kommer Bybanen
ba.no: Her ruller vogn 201 i land
40 tonn og over 32 meter - Bybanevogna ruva på Skoltekaien.
Bybanen bygger byen
Byråd for byutvikling, næring og klima, Lisbeth Iversen, la vekt på Bybanen si sentrale rolle i byutviklinga, at ho er framtidsretta og kjem til å bety mykje for miljø og luftkvaliteten i byen i tida framover. Vidare retta ho ein stor takk til alle som har medverka til å gjere bana til ein realitet, og som har vore med på å skape dei vakre gateløypa som vognene kjem til å køyre i.
Faktainformasjon om bybanevognene 2009.pdf