Røldal skal bli pilgrimsmål

Kultur- og ressursutvalet i Hordaland går inn for at Røldal blir regionalt pilgrimssenter i Hordaland. Det vil bli planlagt bygging av eit pilgrimssenter der. Finansieringa skal vere 60 prosent statleg og 40 prosent mellom fylkeskommune og kommune.

Det er statsråd Trond Giske som har teke initiativet til eit prosjekt om nasjonal pilgrimssatsing.

Saka går vidare til fylkesutvalet 23. april.

Vidare har kultur- og ressursutvalet løyvt 30.000 kroner til drift av den seks kilometer lange pilgrimsvegen i Røldal.