Overskotet på om lag 10,4 mill. kr frå Askøybrua SA skal nyttast til å finansiera ombygging av strusshamnkrysset på Askøy, har Hordaland fylkesutval samrøystes vedteke.
Ombygging av strusshamnkrysset er kostnadsrekna til ca. 15 mill. kr. Fylkesutvalet går inn for at Askøy kommune får løyve til å forskottera inntil 5 mill. kr til ombygginga.
Rv 562 Strusshamnkrysset - det mest trafikkerte krysset på Askøy - skal byggjast om med rundkøyring.
Fylkesutvalet går inn for at forskotteringa vert refundert utan kompensasjon for renter og prisauke. Refusjonstidspunktet vert fastsett i handlingsprogrammet for NTP 2010-19.
I samband med utbetringsarbeidet går fylkesutvalet inn for at det vert lagt til rette for å auka talet på dagens plassar for innfartsparkering i kryssområdet.
Pressemelding med andre saker frå fylkesutvalet 23. april 2009 (pdf-fil)