Hordaland fylkeskommunen sin rekneskap for 2008 kom ut i balanse. Bruk av fondsmidlar var nødvendig for å unngå underskot, går det fram av fylkeskommunen si årsmelding for fjoråret.
For å unngå rekneskapsmessig underskot var det nødvendig å gjennomføra delvise strykingar av fondsavsetjingar. Ein inntektsførte disposisjonsfond og strauk nye avsetjingar for til saman 27,5 mill. kr for å koma ut i balanse. Skular og tannhelsedistrikt har likevel fått avsetja sine overskot til disposisjonsfond.
Aktivt og utviklande år
2008 har vore eit særleg aktivt og utviklande år for Hordaland fylkeskommune, seier fylkesordførar Torill Selsvold Nyborg i sin kommentar i årsmeldinga. Fylkesordføraren trekkjer fram ferdigstilling og iverksetjing av store samferdselsprosjekt, store investeringar i skulesektoren, stor aktivitet i kultursektoren og omfattande medverknad for regional utvikling. I tillegg er det internasjonale engasjementet blitt større og viktigare. Folk trivst i Hordaland og vi kunne ynskja 7 000 nye innbyggjarar velkomne til fylket!
Årsmelding 2008
I årsmeldinga kan du lesa meir om årsrekneskapen og aktiviteten til Hordaland fylkeskommune i 2008.
Årsmeldinga skal handsamast av fylkesutvalet i møte 23. april og i fylkestinget 9.-10. juni i Ullensvang.
Årsmelding Hordaland fylkeskommune 2008 (pdf-fil)