Fylkesordførar Torill Selsvold Nyborg kunngjorde torsdag at Fjord 1 Partner skal køyre Bybanen. Her saman meed Erik Bech-Jansen, visepresident i Keolis Nordic, som er medeigar i Fjord 1 Partner AS.
Ved tildelinga er det lagt stor vekt på at Bybanen skal vera ein integrert del av kollektivtilbodet i Bergen. Bybanen sine haldeplassar på Nesttun, Sletten og Wergeland vert viktige omstigingspunkt mellom buss og bane.
Fjord1 Partner skal køyra sporvognene på strekninga mellom sentrum og Nesttun. Fjord1 Partner startar oppbygging av driftsorganisasjonen og planlegginga straks etter kontraktsignering med tanke på oppstart sommaren 2010.
Driftsfasen er 7 år med ein opsjon for Skyss på ytterlegare 1+1 år. Tilbodet på Bybanen vil være avgang kvart 5. minutt i rushtida.
Hordaland fylkeskommune v/Skyss fekk 4 gode tilbod på drift av Bybanen. Dei 4 tilbydarane var
• Fjord1 Partner AS
• NSB AS
• Tide Bane AS
• Veolia Transport Norge AS
Fjord1 Partner vann på grunnlag av ei totalvurdering av pris (50 %), kvalitet og service (15 %), leveranse og gjennomføringsevne (15 %) og oppbyggingsplan (20 %). Det har vore gjennomført konkurranse med forhandlingar for å finna den beste tilbydaren.
Arbeidet i full gang ved driftshallen på gamle Kronstad stasjon.
Pressemelding i pdf-format
bt.no Fjord1 skal kjøre Bybanen
ba.no Fjord1 går i land i Bergen