100.000 kr til musikkteater for barn

Kultur- og ressursutvalet i Hordaland har løyvt 100.000 kroner til musikkteater for barn og unge. Det er Den Nye Opera i Bergen som står bak barne- og ungdomsoperaen ”The two fiddlers”.

Den Nye Opera samlar alle kreftene innan opera i regionen og har inngått samarbeid med Opera Bergen om denne produksjonen.

Dette er det første samarbeidet mellom dei nye operakreftene i regionen.

Det er planlagt seks framsyningar i Håkonshallen i Bergen over påske. Vidare blir produksjonen vurdert inn i Den kulturelle skolesekken i Hordaland neste skuleår.