Fylkesvaraordførar Tom-Christer Nilsen står for lanseringa på «sleppkonserten» i Kabuso i Øystese søndag 14. september kl. 19.00.
Konsert og plateslepp med Fyhnd
Program for sleppkonserten (pdf-fil)
Sidan 1992
Hordaland fylkeskommune har gjennom mange år vore oppteken av folkemusikken si rolle i kulturlivet, og i 1992 vart det difor skipa ei fylkesmusikargruppe innan folkemusikk. Gruppa har i desse dagar fått nytt namn: F Y H N D.
CD-en
Reidun Horvei – kveding, Einar Mjølsnes – hardingfele/viola da gamba, og Frank Henrik Rolland – hardingfele har henta fram folkemusikk som dei tykkjer godt om og som dei har eit musikalsk tilhøve til som gruppe.
Fyhnd: Frå venstre: Frank Rolland, Reidun Horvei og Einar Mjølsnes. (Foto: Helge Skodvin.)
Kombinerer tradisjonelt og nytt
Mykje av innhaldet er henta frå Sunnhordland og Hardanger. Det er likevel med musikk som er komponert og som dei framfører i folkemusikalsk drakt. Slåtterekkje nr. 2 av Einar Mjølsnes, er skriven for vokal, hardingfele og viola da gamba og inneheld fire satsar: rull, halling, lydarslått og springar. Kjende songar som «En lite vise» frå Hornindal, tekst: Arnulf Øverland og «Den fyrste songen», tekst: Per Sivle, musikk: Lars Søraas vert òg å finna.
Gjestemusikarar
F Y H N D har med seg tre gjestemusikarar på cd-en og desse vil òg vera medverkande under cd-speppet/konserten i Kabuso: Georg Reiss – klarinett, Sigbjørn Apeland –- harmonium og Ivar Kolve – perkusjon.
Opptak i Kabuso
Cd-en er lydfesta i Kabuso med Tom Karlsrud som lydteknikar. Formgjevinga av cd- og hefte er gjort av Fuggibaggi design v/Lasse Berntzen og produsent og utgjevar er: Hordaland fylkeskommune.
Turné
Etter cd-sleppet og konserten i Øystese reiser F Y H N D på turné i 14. dagar. Først utanom fylkesgrensa i regi av Den norske folkemusikkscena og deretter i Hordaland fylke.
Lenkjer
Konsert og plateslepp med Fyhnd
Program for sleppkonserten (pdf-fil)
Fylkesmusikarane – Fyhnd