Fylkesutvalet vedtok med 9 mot 6 (Ap, SV,V) røyster følgjande innstilling:
1 Samordna areal- og transport:
• Fylkesutvalet ber om at samordna areal- og transportplanlegging vert styrka i planen.
• Fylkesutvalet ber om at fortettingspotensiale innafor eksisterande byggjeområde vert kartlagt og utnytta. Bustadprogram bør utarbeidast.
• Fylkesutvalet vil tilrå at bruk av utbyggingsavtale mellom kommune og utbyggar blir utdjupa og konkretisert.
2 Bustadområde:
• Fylkesutvalet vil tilrå at LNF-område der spreidd bustadbygging kan tillatast (nordaust for Osøyro) vert redusert i storleik.
3 Strandsona:
• Fylkesutvalet vil tilrå at byggjegrense i strandsona bør vere minimum 50 meter i ubebygd område og 25 meter i bebygd område. Dette bør innarbeidast i føresegnene.
• Fylkesutvalet er skeptisk til nye naustområde og ber om at nye naust vert bygd som fortetting i eksisterande naustområde.
4 Næringsareal:
• Fylkesutvalet er nøgd med avsette næringsareal i planforslaget. Effektiv arealutnytting vil verte viktig.
5 Universell utforming:
Fylkesutvalet ber om at kommuneplanen får eigne føresegner for universell utforming som vil bidra til å oppnå mål i fylkesdelplan for universell utforming. Vi ber om at kommunen vurderer å konkretisere føresegnene med fylgjande punkt i samsvar med fylkesdelplanen:
• Alle offentlege nye bygg skal ha universell utforming
• I nye bustadområde skal 2/3 av einingane ha universell utforming.
• Alle kollektivterminalar skal ha universell utforming.
6 Kulturminne:
Fylkesutvalet vil peike på kulturminneinteressene i Os og finn at seks område i kommuneplanen der ny arealbruk ikkje er i samsvar med kulturminnelova. Av dette er det 14 lokalitetar og 25 enkeltståande kulturminne som vert råka.. Det vert fremja motsegn til følgjande punkt:
Gardsbruk
Fornminne Id
Krav til planendring
1 Os-øyro: Hauge 63/463 og 63/7
Gravfelt Id 101683 og 66430
Definere vernesone
2 Lysefjorden: Drange 22/7
Steinaldersbuplass Id 66427
Justere grenser
3 Søre Neset: Halhjem 44/5, 44/1,
Lunde 45/8 Lekven 47/4
Id 60557, 60558, 66429, 25533, 55239, 45491, 35907, 66432
Endre arealbruk i plan, definere vernesone
4 Nore Øyane: Askvik 24/4
Id 45489
Endre arealbruk i plan, definere vernesone
5 Osøyro: Hauge 63/5
Id 35905
Definere vernesone
6 Nore Øyane: Nordstrøno 27/219
Id 15827
Endre arealbruk i plan, definere vernesone
Hordaland fylkeskommune tek atterhald om utbyggingsområda i planen inntil undersøkingsplikta etter § 9 i Kulturminneloven er oppfylt.
7 Landbruks, natur og friluftsområde:
• Fylkesutvalet tilrår at behov for framtidig sikring av friluftsareal bør kartleggast og visast att i planen.
• Byggjegrense mot LNF-områda for å ivareta store samanhengjande område/viktige friluftsområde bør bli vurdert.