Standen til Hordaland fylkeskommune var bemanna av: Marianne Haaland (t.v.) frå Opplæringsavdelinga, Liv Tvilde Laading frå Organisasjonsavdelinga og Matti Torgersen frå Strategi- og næringsavdelinga. (foto: Mostafa Pourbayat)
Internasjonal organisasjon
AER er ein internasjonal organisasjon for europeiske regionar. Regionar er i denne samanheng definert som det folkevalde forvaltningsnivået under nasjonalstaten.
Hordalandsmodellen
Hordaland fylkeskommune stilte med ein stand på generalforsamlinga. Målet med standen var å vise fram vårt arbeid med integrering av innvandrarar. Standen viste fram både Hordalandsmodellen og prosjekt innan vidaregåande opplæring. I tillegg ga standen meir generell informasjon om Hordaland. Du finn brosjyrene som vart utarbeidd om desse her:
Hordalandsmodellen (pdf)
Prosjekt innan vidaregåande opplæring (pdf)
Hordaland fylkeskommune sin stand var ein av om lag 20 stand på generalforsamlinga.
Integrering av innvandrarar
I tillegg til vanlege generalforsamlingssaker, har generalforsamlingane ein temadel der det er ei rekkje føredrag og andre aktivitetar. I år omhandla temadelen integrering av innvandrarar. Generalforsamlingan vedtok som vanleg ei slutterklæring, der det vert fokusert på temaet på generalforsamlinga. Slutterklæringa inneheld tilrådingar til både EU, nasjonalstatane og ikkje minst regionane om korleis ein bør arbeide i høve til integrering av innvandrarar.
Slutterklæringa frå generalforsamlinga
170 regionar deltok
Det var om lag 170 regionar og ei rekkje internasjonale organisasjonar representert på generalforsamlinga. Det var deltakarar frå om lag 30 land, deriblant land som Russland, Ukraina, Tyrkia og Georgia.
Ny president
Den største spenninga på generalforsamlinga vart knytt til val av ny president for organisasjonen. Det var tre kandidatar, ein frå Frankrike (Ile de France), ein frå Østerrike (Niederösterreich) og ein frå Romania (Timisoara). Etter to valomgangar vart til slutt Michell Sabban frå Ile-de- France (Paris).
Meir informasjon om AER