Fylkesordførar Torill Selsvoll Nyborg har, saman med fiskeriminister Helga Pedersen, i dag opna prosjektet ”Fiskesprell” i Hordaland. Det skjedde i Slettebakken menighetsbarnehage. Gjennom prosjektet skal sjømat bli meir enn ein del av menyen, det skal og
Barn i Slettebakken menighetsbarnehage lagar sjømat saman med fylkesordførar Torill Selsvold Nyborg og fiskeriminister Helga Pedersen. (begge foto: Inge Døskeland)
Barn og unge skal så tidleg som mogeleg får kunnskap om sunt og godt kosthald, og at sjømat er ein del av dette. Gjennom Fiskesprell skal barn og tilsette få lage sjømat og smake gode sjømatretter som er tilpasset deira smak.
Første fylke i full drift
”Fiskesprell” er eit samarbeid mellom Helse- og omsorgsdepartementet, Fiskeri- og kystdepartementet, Eksportutvalget for fisk og blir utført i samarbeid med Nasjonalt institutt for ernærings- og sjømatforskning og Sosial- og helsedirektoratet. Prosjektet har vore i ei pilotfase i Trøndelag, Telemark og Rogaland før Hordaland går inn som første fylke i full drift med 40 barnehagar.
Folkehelse
Prosjektet er eit ledd i folkehelsearbeidet i fylket og forankra i folkehelseplanen. Norsk Sjømatsenter i Bergen er samarbeidspartnar og står for mykje av det praktiske gjennomføringsarbeidet. På lanseringa i dag var meisterkokk Fredrik Hald og Bjørg Samuelsen ansvarleg for menyen som bestod av ”Sjømatskattekiste” og nyutvikla lakseburgarar.
Fiskeriminister Helga Pedersen (t.v.) og fylkesordførar Torill Selsvoll Nyborg lanserte Hordaland som det første ”Fiskesprell”-fylket i landet.