Fylkestinget i Hordaland går inn for at bompengeinnkrevjing a til opprusting av E39 over Stord vert lengd med fire år til 31.12.2012.
Fylkestinget peikar på tidlegare opplegg med 50/50 – deling mellom bompengar og statlege midlar for opprusting av E39 Jektevik – Sandvikvåg, og ber om at dette også vert lagt til grunn i vidareføringa av opprustingsarbeidet.
Vedtak vart gjort med 41 (H, KrF, Ap, SV, Sp, V) mot 16 (Frp, Raudt) røyster.
Innkrevjingsperioden som er vedteken kom i gang 01.01.2002 og skal avsluttast 31.12.2008. Innkomne midlar har vore nytta til å finansiere utbetring av vegen mellom Jektevik sør og Vistvik, mellom anna med tunnel forbi flaskehalsen Uføro og gang- og sykkelsti langs store deler av vegen. På nemnde strekning gjenstår ein del arbeid som bør prioriterast før ein tek til med arbeidet for å utbetre nordover på strekninga Vistvik – Sandvikvåg.
Fullgod standard på arbeidet som står att er stipulert til å ha ei kostnadsramme på 160 mill. 2009-kr. Dette inneber at perioden for innkrevjing av bompengar må forlengast fram til 31.12.2012. Det er berekna at bompengepotensialet i denne perioden vil bli på om lag 90 mill.kr. Det er usikkert om staten vil forplikta seg til å dekka halvparten eller resten av dei 160 mill. kr. som er naudsynt for å fullfinansiere prosjektet. Dersom staten ikkje følgjer opp vil det stå att eit finansieringsbehov på rundt 70 mill kr. for utbetringsarbeidet på E39 fram mot Sandvikvåg.
Stanley Hauge 14.06.2008 10:00